Cəmiyyətin niyə mağaralarda yaşamağı seçdiyi hələ də aydın deyil, lakin DNT araşdırmaları bu şəxslərin həyatına işıq salır. Yeni bir araşdırma, orta əsrlər İspaniyasında qayalıqda oyulmuş süni mağaralarda yaşayan bir xristian icmasının DNT-sini ardıcıllıqla sıralayıb.
Bu icma Portuqaliya və İspaniyanı əhatə edən Pireney yarımadasında mövcud olduğu bilinən bir neçə orta əsr mağara icmalarından biridir. Niyə bu qrupların daha ənənəvi kənd yaşayış məntəqələri əvəzinə mağaraları seçməsi arxeoloqlar üçün uzun müddətdir ki, mübahisə mövzusudur. Hermitlər və ya dini qruplar haqqında fərziyyələr söyləmək cazibədar olsa da, bu cür nəzəriyyələri dəstəkləmək üçün çox az dəlil var. “Science Advances” jurnalında dərc olunan araşdırma bölgədəki qəbiristanlıqlardan çıxarılan insan qalıqları ilə bağlı məlum olanlara genetik analiz əlavə etməklə bu imkanları araşdırır. DNT bu cəmiyyətin əcdadlarına, bir-biri ilə münasibətlərinə və onlara təsir edən xəstəliklərə işıq sala bilmişdir. Vizigot Krallığı eramızın 711-ci ildə Şimali Afrikadan gələn müsəlman ordularının basqınlarından sonra süqut edib. Bu hadisə, ən çox İberiyanın çox hissəsini əhatə edən Əndəlus kimi tanınan müsəlmanların idarə etdiyi bölgənin yaranmasına səbəb olub. Lakin yarımadanın şimalında mövcudluğunu davam etdirən xristian krallıqları tədricən bölgəni yenidən ələ keçirib.
Bu bölgədəki dövr haqqında bilinənlər o dövrdə İberiyanın Toledo, Qranada və Kordoba kimi böyük şəhərlərində baş verən hadisələrlə formalaşmışdır. Bu şəhərlər ticarət, diplomatiya və güc mərkəzləri idi. Las Qobasın kənd yaşayış məntəqəsi bu şəhər mərkəzlərindən uzaqda, bu dövrdən məlum olan ən fərqli mağara icmalarından birində həyata nadir perspektiv təklif edir.
İspaniyanın şimalındakı Burqos əyalətindəki Lano kəndi yaxınlığında yerləşən Las Qobasda 7-ci əsrdən 11-ci əsrə qədər fasiləsiz istifadə edilən qəbiristanlıq var. Əvvəlcə mağara kompleksinin içərisində tikilmiş kilsəyə bağlanmışdır. Mağara kilsəsi və qəbiristanlıq 11-ci əsrə qədər istifadəsini davam etdirib.
Qəbiristanlıqda aparılan arxeoloji qazıntılar zamanı 41 nəfərin qalıqları aşkar edilib. Onlardan 39-u genetik analizə məruz qalıb və 33-ün cinsi müəyyən edilib (22 kişi və 11 qadın).
Mənbə: Arkeofili
Tərcümə etdi: Fatimə Şükürova
