Qəzza Səhiyyə Nazirliyi İsrailin 7 oktyabrdan bəri davam edən hücumlarında həlak olan fələstinlilərin sayının 40 mini keçdiyini açıqlayıb. Müvafiq olaraq, öldürülənlərin əksəriyyəti qadınlar, uşaqlar və qocalardır. Cümə axşamı günü 40,005 olaraq açıqlanan bu rəqəm, bölgənin 2,3 milyonluq əhalisinin təxminən yüzdə 1,7-sinə uyğun gəlir.
Bundan əlavə, peyk görüntülərinin təhlili göstərir ki, müharibə başlayandan bəri Qəzzada binaların təxminən 60 faizi xarab olub və ya dağılıb. İsrail HƏMAS-ın nəzarətində olan Səhiyyə Nazirliyinin açıqladığı rəqəmlərə şübhə ilə yanaşsa da, bəzi ekspertlər Qəzzada öldürülənlərin sayının daha çox ola biləcəyini qeyd edir. Onun sözlərinə görə, yerli rəsmilərin hesablamalarına görə, İsrailin hava hücumları nəticəsində vurulan binaların dağıntıları altında 10 minə yaxın cəsəd qalıb. Tədqiqatçılar Qəzzada daha çox fələstinlinin xəstəlik və aclıq kimi dolayı səbəblərdən ölə biləcəyini bildirirlər. HƏMAS Qəzzada atəşkəs danışıqlarında "iştirak etməyəcək".
Digər tərəfdən, Qəzzada atəşkəs üçün danışıqları canlandırmaq səyləri davam edir. Bununla belə, HƏMAS-ın yüksək rütbəli rəsmisi BBC-yə bildirib ki, onlar Qəzzada atəşkəsin yaradılması və girovların azad edilməsinə dair cümə axşamı Dohada yenidən başlaması planlaşdırılan danışıqlarda iştirak etməyəcəklər. O, yol xəritəsinin may ayının sonunda ABŞ prezidenti Co Baydenin təklif etdiyi razılaşma maddələrinə əsaslanmalı olduğunu qeyd edib və İsraili “yeni şərtlər” əlavə etməkdə ittiham edib. İsrailin baş naziri Benyamin Netanyahu bu iddianı rədd edir və dəyişikliyi tələb edənin HƏMAS olduğunu iddia edir.
Mənbə: BBC news türkçe
Tərcümə etdi: Aynur Mikayılova
