İndi hamımız bilirik ki, sağlam həyat tərzinin əsasları: müntəzəm idman, adekvat meyvə və tərəvəz qəbulu, yaxşı bir gecə yuxusu və maye qəbuludur. Bütün bunlar bağırsaq mikrobiomunu da dəstəkləyir (həzm sisteminizdə yaşayan bütün mikroblar), lakin bağırsaq sağlamlığınız üçün nəzərə almalı olduğunuz başqa bir şey dərmanlardır.
Xüsusilə bağırsaqlarımızda olan faydalı bakteriyalar orqanizmimizin həzm sistemi və immun sistemi üçün əhəmiyyətlidir. Bağırsaq mikrobiotası həzm prosesinə töhfə verir, qida maddələrinin udulmasını yaxşılaşdırır, immunitet sisteminin işini dəstəkləyir və zərərli patogenlərin böyüməsini nəzarətdə saxlayır. Bununla belə, antibiotik istifadəsi bu faydalı bakteriyaların tarazlığını poza bilər və həzm problemlərinə, immunitet sisteminin zəifliyinə və digər sağlamlıq problemlərinə səbəb ola bilər.
Mənbə: BilimUP
Tərcümə etdi: Günay Məmmədova
