Uşaqların iki dil öyrənməsi son illərdə artan tendensiyaya çevrilib. Ailələr istəyirlər ki, övladları müxtəlif mədəniyyətlərlə ünsiyyət qurmaq və qloballaşan dünyada daha çox imkanlara malik olsunlar. Bu vəziyyət ikidilli uşaqların psixoloji inkişafına necə təsir etdiyi məsələsini də gündəmə gətirir.
Uşaqlar dil bacarıqlarını təbii şəkildə əldə edirlər. Dil öyrənmə prosesi körpəlikdən başlayır və oyun, ünsiyyət və təqlid yolu ilə davam edir. İki dildə böyüyən uşaqlar hər iki dildə lüğət, qrammatika və tələffüz kimi dil bacarıqlarını inkişaf etdirir.
İkidilliliyin faydaları
Araşdırmalar göstərir ki, ikidillilik uşaqlara çoxlu faydalar verir. Bunlardan bəziləri bunlardır:
- Koqnitiv inkişaf: İki dil öyrənmək beynin müxtəlif hissələrini aktivləşdirir və idrak çevikliyini artırır. Bu, problem həll etmə, yaddaş və diqqət kimi idrak bacarıqlarının inkişafına kömək edir.
- Sosial və emosional inkişaf: İkidillilik müxtəlif mədəniyyətlərə və insanlara qarşı açıqlıq və tolerantlıq hissini inkişaf etdirir. Bundan əlavə, iki dildə ünsiyyət qurmaq bacarığı uşaqların sosiallaşmasına və özünə inam qazanmasına kömək edir.
- Akademik müvəffəqiyyət: İkidilli uşaqlar dil bacarıqlarını inkişaf etdirdiklərinə görə oxu, yazı və riyaziyyat kimi akademik mövzularda daha müvəffəqiyyətli olurlar.
Hər bir uşağın dil öyrənmə prosesi fərqlidir. İkidilli tərbiyə olunan uşaqlar da dil bacarıqlarını müxtəlif sürətlə və müxtəlif üsullarla inkişaf etdirirlər. Bu prosesdə ailələrin diqqət etməli olduğu bəzi məqamlar bunlardır:
- Hər iki dildə müntəzəm dil girişinin təmin edilməsi: Uşaqların hər iki dildə adekvat lüğət və qrammatika öyrənmələri üçün hər iki dildə danışma, oxuma və yazma kimi dil fəaliyyətlərində iştirak etmələri vacibdir.
- Səbirli olmaq: İki dili öyrənmək vaxt və səy tələb edir. Ailələrin səbirli olması və uşaqların dil bacarıqlarını öz sürətlərində inkişaf etdirmələrinə imkan vermələri vacibdir.
- Uşağı dil öyrənməyə həvəsləndirmək: Uşaqların dil öyrənməyə həvəsləndirilməsi vacibdir. Ailələr oyunlar, mahnılar və hekayələr kimi əyləncəli və cəlbedici üsullardan istifadə edərək uşaqları dil öyrənməyə həvəsləndirə bilər.
Nəticə etibarı ilə ikidilli tərbiyə uşaqlar üçün çoxlu faydalar təmin edir. Ailələrin uşaqlarının dil bacarıqlarının inkişafına kömək etmək üçün düzgün üsullardan istifadə etmələri və səbirli olmaları vacibdir.
Mənbə: kampusdenevar
Tərcümə etdi: Sevil Azər
