Siyasi karikaturalar siyasi jurnalistikanın ayrılmaz tərkib hissəsidir. Karikaturalar getdikcə tutqunlaşan siyasi diskursdan yüngül relyef təmin edərək rəsmi xəbər reportajlarına parlaq rəngli alternativ kimi irəli sürülür. Xəbərləri və rəyi karikatura şəklində təqdim etmək cari hadisələrin əlçatan və ani şərhini verir, qısa zamanda tez və kəskin informasiya almağımıza xidmət edir.
Karikatura adi ünsiyyət formalarından fərqli olan unikal jurnalistika formasıdır. Şəkillər günün xəbərlərinə güclü şərh verə bilər. Onlar hekayələri məqalələrin edə bilməyəcəyi tərzdə izah edir və araşdırır, yazı və ya videodan daha təsirlidir və təsvir etdikləri mövzunu humanistləşdirmək üçün konkret şəxslərin təqlid və tənqidinə əsaslanır.
“Siyasi cizgi filminin ən gözəl tərəfi odur ki, o, siyasətin istənilən anındakı vəziyyəti ümumiləşdirir. Ağıllı, gülməli, əyləncəlidir, bizi məlumatlandırır və əyləndirir. Bir qəzetin bütün səhifələrində verdiyi məlumatı bir rəsmlə göstərir."
- Rt Hn George Osborne
Junalisikanın belə satirik təqdimatı xəbərin təsir gücünü artırır. Siyasətçilər belə şəkillərə nifrət etmək əvəzinə, müntəzəm olaraq onları müdafiə edir, öz təsvirlərini ictimai həyatda aktuallıqlarının göstəricisi kimi qiymətləndirirlər.
Karikaturalar təkcə xəbər mənbəyi kimi çıxış etmir, həm də siyasi ab-havanın tarixi qeydinə çevrilə bilər.
Jurnalistikanın durmadan inkişaf etdiyi bir dövrdə siyasi karikaturalar siyasi şərhin köhnəlməz üsulu olaraq qalıb. Xüsusən də kütləvi informasiya vasitələrinin çıxışının çox olduğu bir dövrdə karikaturaların cəlbedici və əhatəli mesaj çatdırmaq qabiliyyəti mübahisəsiz olaraq zamanın sınağından çıxa bilib.
Mənbə: ellwoodatfield.com
Tərcümə etdi: Bənövşə Bağırova
