Çiy makaron yeyilə bilər?
Düzgün saxlandıqda və işləndikdə bişməmiş makaronda kiçik bir bakteriya təhlükəsi var. Bununla belə, makaron bişirmək nişastanı parçalayaraq, onun həzmini asanlaşdırır.
Bişməmiş makaron ilə ümumi təhlükə salmonella zəhərlənməsidir, çünki bir çox makaron, məsələn, yumurta əriştəsi xam yumurta ilə hazırlanır. Lakin makaron hazırlanarkən çiy yumurtanın tərkibində salmonella olsa belə, qurutma zamanı öldürülürdü. Bakteriyalar su olmadan yaşaya bilməz.
Bununla belə, hər hansı çiy qida düzgün saxlanmadıqda və ya bu yaxınlarda çiy toyuq ətinin hazırlandığı tezgah kimi bakteriyaların olduğu mətbəx səthinə məruz qaldıqda bakterial çirklənmə riski yaradır. Qaynatma zərərli bakteriyaların məhv edilməsini təmin etmək üçün bir yoldur.
Qurudulmuş makaronu təzə və təhlükəsiz saxlamaq üçün düzgün saxlama çox vacibdir. Kilerdə hava keçirməyən qablarda, nəmdən, rütubətdən və həddindən artıq temperaturdan uzaq saxlayın. Optimal şəraitdə qurudulmuş makaron illərlə, hətta "satış tarixi"ndən bir və ya iki il sonra da yaxşı qalır.
Çiy makaron yeyərkən nəzərə alınmalı olan digər amil isə tərkibindəki nişastadır. Nişastanın bişirilməsi onları daha həzmli edir, buna görə də çoxlu bişməmiş makaron yemək həzm sisteminə zərər verdiyini düşünməyə əsas var. Bununla belə, çox bişmiş makaronun da zərərli olduğuna və qan şəkərini artıra biləcəyinə dair sübutlar var. "Al dente" teksturasına qədər az bişmiş makaron ona daha aşağı glisemik indeks verir.
Mənbə: 411answers.com.tr
Tərcümə etdi: Aydan İbrahimli
