Biz hamımız öz məqsədlərinə çatmaq yolunda addımlayan zaman başqalarına köməkçi vasitə kimi baxan insanlarla rastlaşmışıq. Onlar yalnız onlara, ehtiyac duyduqları bir şeyi əldə etməyə kömək edə bildiyiniz zaman sizinlə əlaqə saxlaya bilər və ya onlarla hər bir əlaqənin sizi günahkar hiss etdirməyə və özünüzü ikinci plana keçirməyinizə gətirib çıxara bilər.
Manipulyativ insanlar klassik tip zəhərli insanlardır, həyatınızda olmaması daha yaxşıdır.
Manipulyativ davranışın bəzi qırmızı bayraqları hansılardır ki, bu sizə kiminsə sizin üzərinizdə istifadə etdiyini bilməyə kömək edə bilər.
1. Sərhədlərə Hörmət Etmirlər
Manipulyatorlar yorulmadan, yol boyu kimə zərər verə biləcəklərindən narahat olmadan istədiklərinin arxasınca gedirlər. Siz özünüzü onların toksikliyindən qorumağa cəhd edə bilərsiniz, lakin onlar sizin emosiyalarınıza hwcum edəcək və şəxsi məkana olan ehtiyacınıza məhəl qoymayacaqlar. Onlarla məşğul olmağın yorucu, alçaldıcı və psixi sağlamlığınız üçün pis olduğunu görəcəksiniz.
2. Sizin Reallığınızı Sorğulandırırlar
Manipulyasiya edən insanlar qaz işıqlandırma ustasıdır.
Onlar narsistlər, sui-istifadəçilər, diktatorlar və dini liderlərlə eyni xüsusiyyət paylaşırlar. Onlar çaşqınlığın insanları zəiflətdiyini bilirlər və bundan öz xeyirlərinə istifadə edirlər. Çox vaxt onların hərəkətləri sözləri ilə üst-üstə düşmür, lakin siz onları vicdansızlıqlarına səsləməyə çalışdığınız zaman sizi əsassız və hətta “dəli” kimi rədd edirlər.
3. Həmişə Günahdan Yaxa qurtarırlar
Manipulyatorlar problemin onlarda olub olmadığını təhlil etmək üçün dayanmırlar. Dərhal bütün günahı başqasının ayağına yıxırlar. Bir manipulyator üçün bütün münasibətlər, digər insanlar üzərində güc sahibi olmaq və ehtiyaclarını ödəmək üçün onlardan istifadə etməkdir. Manipulyasiya edən bir insan, hətta sizi öz hərəkətlərinə sahib olmağa məcbur etsə də, öz hərəkətləri üçün məsuliyyət daşımaqdan imtina etməkdə səhv bir şey görmür.
4. Davranışlarına haqq qazandırırlar
Manipulyasiya edən bir insan səhv etsə belə, haqlı olduğunu göstərmək üçün əlindən gələni edəcək. Onlara qeyri-adekvat davrandıqları yolları göstərdiyiniz zaman, davranışlarını rasionallaşdırmaq üçün bir arqumenti olacaq.
Onlar yorucu bir vicdansızlıq və disharmoniya dövrü yaradırlar.
Manipulyativ bir əlaqənin son nöqtəsində olmaq özünə inamınızı azaldır? Bu vəziyyəti idarə etmək üçün bəzi konstruktiv yollar var.
*Avtomatik olaraq üzr istəməyin: Manipulyatorlar qurbanı oynamağı sevirlər. Bir anda sən onların sənə necə zərər vurduqlarını izah etməyə çalışırsan və günahın olmayan bir şeyə görə peşman olduğunu söyləyirsən.Yerinizi tutun və etmədiyiniz heç bir şey üçün məsuliyyət daşımayın.
*Nə vaxt yox deyəcəyinizi bilin: manipulyasiya başqalarına nəzarət etməkdən ibarətdir. Dözə bilməyəcəyiniz şeylərdə belə qətiyyətli olun və ayağınızı yerə qoyduğunuz üçün pis hiss etməyin.
* Əlaqəni minimuma endirin. Əgər bacarırsansa, yaxşı olar ki, zəhərli insanlarla əlaqəni kəsəsən, ancaq bəzən bu mümkün deyil. Məsələn, manipulyatorunuz həmkarınızdır. Bu vəziyyətdə mümkün qədər məsafəni saxlayın.
Mənbə: canyoncrossingrecovery.com
Tərcümə etdi: Ləman Xəqani
