Microsoft bir gün davam edən qlobal nasazlıqdan sonra bütün xidmətlərinin bərpa olunduğunu açıqlayıb.
24media.az BBC News-a istinadən xəbər verir ki, şirkət şənbə günü səhər saatlarında nasazlığın aradan qaldırılması istiqamətində görülən işlərin başa çatdığını açıqlayıb. Bildirilib ki, Outlook, Teams və Copilot istifadəçiləri artıq problemlə üzləşməyəcəklər.
Nasazlıq 70-dən çox ölkədə qeydə alınıb. Bu, biznes fəaliyyətində, dövlət xidmətlərində və fərdi istifadəçilərin gündəlik işlərində fasilələrə səbəb olub. Dünyada 430 milyondan çox insan Microsoft 365 tətbiqlərindən istifadə edir.
Nərmin Nəcəfova
