Lord Mandelson BBC-yə müsahibəsində bildirib ki, Ceffri Epşteyn onu şəxsi həyatının cinsi tərəflərindən “kənarda saxlayıb” və bunu özünün homoseksual olması ilə əlaqələndirib. O deyib ki, Epsteinin evlərində heç vaxt qızlar görməyib və nə baş verdiyindən məlumatlı olmayıb. Buna görə də o, özünü günahkar hesab etmədiyini vurğulayıb.
Keçmiş ABŞ səfiri Epşteynin qurbanlarından birbaşa üzr istəmədiyini, lakin qadınları qorumayan sistemi qınadığını bildirib. Mandelsonun sözlərinə görə, əgər hər hansı formada xəbəri və ya iştirakı olsaydı, mütləq üzr istəyərdi. O, Epsteinin adasında və digər mülklərində yalnız orta yaşlı xidmətçiləri gördüyünü söyləyib.
Mandelsonun Epşteynlə ilk məhkumluğundan sonra yazışmalarının üzə çıxması onun səfirlikdən çıxarılmasına səbəb olub. Hökumət rəsmiləri bu yazışmaların münasibətlərin əsl dərinliyini göstərdiyini bildirib. Mandelson isə məktubları xatırlamadığını və qərarı anladığını deyərək mövzunu yenidən gündəmə gətirməyəcəyini söyləyib.
Leyboristlərin nəqliyyat naziri Heidi Alexander Mandelsonun davranışını “dərin sadəlövhlük” kimi qiymətləndirib və qurbanlar üçün üzrün vacib olduğunu deyib. Downing Street isə Epsteinlə bağlı əlavə məlumatların səfir təyinatı zamanı məlum olmadığını açıqlayıb.
Müsahibədə Mandelson ABŞ prezidenti Donald Trampın bəzi sərt açıqlamalarını şərh edərək, onun Qrenlandiyanı güc yolu ilə ələ keçirəcəyinə inanmadığını bildirib. O, Arktikanın təhlükəsizliyində ABŞ-nin aparıcı rol oynayacağını vurğulayıb və güc yolu ilə çəkindirmənin bəzən qaçılmaz olduğunu deyib.
Mənbə: BBC
Tərcümə etdi: Zəhra Əliyeva
