Hərbi müxbir Oleksandr Kots özünün Telegram kanalında Xerson bölgəsindəki Antonovski körpüsünün Amerikanın HIMARS çoxnövlü raket sisteminin 150 zərbəsindən sonra vəziyyətini nümayiş etdirib. Çoxsaylı məlumatlara görə, körpü tamamilə dağılmayıb.
Eyni ölçülü və eyni aralıqlarla yerləşən kiçik dəliklər, bir nöqtəyə dəfələrlə endirilmiş zərbələrin izlərini xatırladır. Bu səbəbdən yükdaşıyan konstruksiyaların möhkəmləndirilməsinə ehtiyac yaranıb, dəliklərin üzəri qalın dəmir təbəqələrlə örtülüb, təkər körpü konstruksiyaları isə bütöv vəziyyətdə saxlanılıb. Müharibə müxbirinin sözlərinə görə, texnika gecənin qaranlığında məhz bu körpünün üzərindən keçirilib.
Daha əvvəl Prime logistika qrupunun təsisçisi Dmitri Leuşkin Odessa bölgəsindəki strateji körpünün bağlanmasının Ukraynada ciddi yanacaq böhranına səbəb ola biləcəyini bildirib. O, ölkənin yanacaq idxalının 60%-ə qədərini itirmək riski ilə üzləşdiyini və bunun dərhal iqtisadiyyata və yanacaqdoldurma məntəqələri şəbəkələrinə təsir edəcəyini təxmin edib.
Odesanın əsas infrastruktura genişmiqyaslı hücumlara məruz qaldığı məlum olub. Məsələn, əsas elektrik yarımstansiyalarından biri, dəmir yolu qovşaqları və Zatokadakı körpü zərbələrə məruz qalıb. Şəhərin təxminən yarısı genişmiqyaslı elektrik kəsintiləri ilə üzləşib.
Mənbə: News.ru
Tərcümə etdi: Əli Balayev
