Misir Xarici İşlər Naziri Bədr Əbdüləti və iranlı həmkarı Abbas Ərakçi telefon danışığı aparıblar. Görüşdə iki ölkə arasında münasibətlərin gücləndirilməsi yolları və İranın nüvə sahəsindəki inkişafları müzakirə edilib.
Misir Xarici İşlər Nazirliyinin yazılı açıqlamasında Əbdüləti və Ərakçinin telefon danışığı apardığı bildirilib. Nazir Əbdüləti iki tərəf arasında danışıqların və ünsiyyətin son tempinə görə minnətdarlığını bildirib.
Görüşdə iki ölkə arasında münasibətlər və onları gücləndirməyin yolları müzakirə edilib. Əbdüləti qarşılıqlı maraq doğuran məsələlər üzrə məsləhətləşmələrin davam etdiriləcəyinə və hər iki ölkənin ortaq maraqlarına xidmət etmək üçün əməkdaşlığın artırılacağına ümid etdiyini bildirib. İranın "nüvə faylında" son hadisələrin müzakirə olunduğu görüşdə o, gərginliyin azaldılması, etimadın yaradılması və diplomatik həllər üçün lazimi şəraitin qurulmasının vacibliyini vurğulayıb.
İranlı həmkarı Ərakçi ilə görüşündə Misir naziri bütün tərəflərin maraqlarını nəzərə alan, regional təhlükəsizliyə və sabitliyə töhfə verən hərtərəfli razılaşma əldə etmək üçün nüvə məsələsi üzrə dialoqun bərpasının vacibliyini vurğulayıb.
Mənbə: CNNtürk
Tərcümə etdi: Aygül Alıyeva
https://www.cnnturk.com/dunya/misir-ve-iran-arasinda-nukleer-dosya-gorusmesi-2369078
