İsveç brendi H&M pambığın təkrar emalı üzrə ixtisaslaşmış İspaniya şirkəti Recover ilə uzunmüddətli əməkdaşlıq qurub.
Bu niyə vacibdir?
1. Bu addım davamlı moda istiqamətində mühüm addımdır, çünki təkrar emal olunmuş pambığın istifadəsi təbii resurslara düşən yükü azaldır və tullantı miqdarını minimuma endirir.
2. Brendlər üçün bu, artıq sadəcə marketinq deyil, həm də ictimai və istehlakçı tələbinə cavab verən uzunmüddətli strategiyanın bir hissəsinə çevrilir.
Bu, istehlakçı üçün nə deməkdir?
1) Yaxın vaxtlarda H&M mağazalarında təkrar emal olunmuş pambıqdan hazırlanmış yeni geyim kolleksiyalarını görmək mümkündür.
2) Ehtimal olunur ki, qiymətlər bir qədər artacaq və ya ayrıca “davamlı moda” xətti yaradılacaq.
Hazırda moda sənayesində brendlərə dayanıqlılıq, təchizat zənciri və şəffaflıq məsələləri ilə bağlı təzyiq artır. Bu əməkdaşlıq da məhz həmin tendensiyanı əks etdirir.
Mənbə: textiletoday.com.bd
Tərcümə etdi: Şehrin Musayeva
