Azərbaycan qadın voleybol millisi Avropa Çempionatına vəsiqə qazanıb. Komandamız son təsnifat mərhələsində Gürcüstan yığmasına 3:0 hesabı ilə qalib gələrək qrupda lider mövqeyini təmin edib.
Baş məşqçi Fernando Munoz oyundan sonra bildirib ki, millinin gənc oyunçularının performansı xüsusi ilə diqqət çəkib. Onun sözlərinə görə, komandanın əsas hədəfi yalnız final mərhələsinə yüksəlmək deyil, medal uğrunda mübarizə aparmaqdır.
Azərbaycan Voleybol Federasiyası qarşıdakı aylarda hazırlıq oyunlarının təşkil olunacağını açıqlayıb. Planlaşdırılan yoldaşlıq görüşlərinin Türkiyə, Serbiya və Polşa kimi güclü rəqiblərlə keçirilməsi nəzərdə tutulur.
Qadın millimiz sonuncu dəfə 2021-ci ildə Avropa Çempionatında iştirak edib. Həmin vaxt komanda 1/8 final mərhələsində Serbiya yığmasına məğlub olub.
Bu uğur Azərbaycan voleybolunun yenidən yüksəliş mərhələsinə qədəm qoyduğunu göstərir.
Mənbə: CEV, Trend, Report
Tərcümə etdi: Fatimə Salmanlı
