Bu gün Azərbaycan Respublikasının Prezidenti İlham Əliyev işgüzar səfərlə Misir Ərəb Respublikasına yola düşüb. Səfərin məqsədi iki ölkə arasında əlaqələri möhkəmləndirmək və Yaxın Şərqdə sülh prosesinə dəstək verməkdir.
Şarm əl-Şeyx beynəlxalq aeroportunda dövlət başçısını Misirin gənclər və idman naziri Əşrəf Subhi və digər rəsmi şəxslər qarşılayıblar. Qarşılama mərasimi zamanı hər iki ölkənin bayraqları qaldırılıb, rəsmi salamlaşma həyata keçirilib.
Bu səfər iki ölkə arasında strateji tərəfdaşlığın daha da güclənməsinə, həmçinin regionda diplomatik münasibətlərin dərinləşməsinə xidmət edir. İlham Əliyevin Misirə səfəri həm ikitərəfli münasibətlərin inkişafı, həm də beynəlxalq arenada Azərbaycanın mövqelərinin daha da möhkəmlənməsi baxımından mühüm əhəmiyyət daşıyır.
Hazırladı: Gülay Bədirli
