Panama körfəzində 40 ildən artıq müddətdə ilk dəfə baş verməyən okean axını elm aləmini təşvişə salıb
Panama körfəzində hər il dekabr və aprel ayları arasında müşahidə olunan həyati əhəmiyyətli okean axınının olmaması bu il elm adamlarını narahat edib.
Normalda şimal küləkləri tərəfindən tetiklenen Panama Sakit Okean yüksəlişi dərinliklərdən səthə soyuq, qida maddələri ilə zəngin sular gətirir, mərcan riflərini qoruyur, dəniz həyatını canlandırır və ölkənin 200 milyon dollarlıq balıqçılıq sənayesini gücləndirir.
Lakin tədqiqatçılar 40 ildən artıq müddətdə ilk dəfə olaraq bu sistemin tamamilə sıradan çıxdığını açıqlayıblar.
Tədqiqat İnstitutundan Dr. Aaron O'Dea, "Panamanın dəniz biokütləsinin 95 faizindən çoxu bu Sakit okean yüksəlişindən asılıdır" dedi. "Yüksəlmə olmasa, qida zəncirləri dağılacaq, balıqçılıq zərbə alacaq və mərcan rifləri artan termal stresə məruz qalacaq."
Peyk məlumatları göstərdi ki, bu il gözlənilən plankton və yosun çiçəkləri faktiki olaraq yoxa çıxıb. Bu, həm balıqlar, həm də onlardan asılı olan dolanışıq vasitələri üçün dağıdıcı nəticələrə səbəb ola bilər. Bundan əlavə, soyuducu cərəyanların olmaması mərcan qayalarını kütləvi ağartma riski altına qoyur.
O'Dea vurğuladı ki, kritik naməlum məsələ bunun birdəfəlik hadisə, yoxsa qlobal iqlim dəyişikliyinin daimi nəticəsi olmasıdır.
Tədqiqatçılar deyiblər ki, bu ilki La Nina şəraiti təsirli ola bilər, lakin daimi qlobal hava dəyişikliyi də mümkündür.
Mənbə: Ntv
Tərcümə etdi: Sona Osmanova
