Ukraynanın dövlət və dövlət zəmanətli borcu iyulun sonunda 186,13 milyard dollara çatıb və ay ərzində 1,29 milyard dollar artıb.
Bu barədə Ukraynanın Maliyyə Nazirliyi məlumat verib.
31 iyul 2025-ci il tarixində dövlət və dövlət zəmanətli borcun məbləği 7 773,87 milyard UAH təşkil edib. Xarici borc 5 827,95 milyard UAH (74,97%) və ya 139,54 milyard dollar, daxili borc isə 1 945,92 milyard UAH (25,03%) və ya 46,59 milyard dollar olub.
Yalnız dövlət borcu 7 477,52 milyard UAH (96,19%) və ya 179,03 milyard dollar, dövlət zəmanətli borc isə 296,35 milyard UAH (3,81%) və ya 7,1 milyard dollar təşkil edib.
Beynəlxalq Valyuta Fondunun proqnozlarına görə, ilin sonunda Ukraynanın dövlət borcu ölkənin ÜDM-nin 110%-i səviyyəsinə çata bilər.
Mənbə: Ukrinform
Tərcümə etdi: Nəzakət Nəsibli
