Süni intellektin (Sİ) sürətlə inkişafı, bir sıra peşələri əvəz etmə potensialı ilə gündəmdədir. Geniş miqyaslı tətbiqləri və məhsuldarlığı artırma qabiliyyəti ilə süni intellekt, bəzi peşələri ciddi şəkildə təhlükə altına salır. Mütəxəssislərin fikrincə, bu texnoloji inqilabın yaratdığı dəyişikliklər ən çox aşağıdakı peşələrə təsir göstərə bilər:
1. Müştəri xidmətləri nümayəndələri
Chatbotlar və avtomatlaşdırılmış cavab sistemləri sayəsində bir çox şirkət artıq müştəri ilə əlaqəni süni intellekt vasitəsilə idarə edir. Bu, xüsusən çağrı mərkəzlərində çalışan insanların iş imkanlarını azaldır.
2. Data girişi və emalı üzrə işçilər
Əl ilə məlumat daxil edən və emal edən işçilər, süni intellekt əsaslı proqramlarla əvəz oluna bilər. Bu texnologiyalar insan səhvlərini minimuma endirərək daha sürətli və dəqiq nəticələr verir.
3. Mətn yazıçıları və redaktorlar
Süni intellekt modelləri, məqalələr, reklam mətnləri, hətta ədəbi yazılar da daxil olmaqla müxtəlif növ mətnləri yaratma qabiliyyətinə malikdir. Bu isə müəyyən yazıçı və redaktor vəzifələrinin əhəmiyyətini azalda bilər.
4. Maliyyə analitikləri və mühasiblər
Süni intellekt maliyyə analizləri, hesabatlar və vergi bəyannamələri kimi mürəkkəb tapşırıqları yerinə yetirə bilir. Bu sahədə çalışan mütəxəssislər üçün bu, ixtisaslaşma və daha kompleks bacarıqlara yönəlmə zərurəti yaradır.
5. Sığorta agentləri və kredit məsləhətçiləri
Alqoritmlər vasitəsilə risk qiymətləndirilməsi və müştəri təhlili aparmaq mümkün olduğu üçün bu sahələrdə insan amili getdikcə arxa planda qalır.
6. Satış nümayəndələri
Elektron ticarətin və süni intellektin əsaslı tövsiyə sistemlərinin inkişafı nəticəsində ənənəvi satış nümayəndələrinin rolu azalmaqdadır. Onlayn platformalar artıq istifadəçinin ehtiyaclarını öncədən proqnozlaşdıra bilir.
7. Sürücülər və daşıma işçiləri
Avtonom nəqliyyat vasitələrinin sınaqları və bəzi yerlərdə tətbiqi, yük və sərnişin daşımada insan amilinin azaldılması ilə nəticələnə bilər. Xüsusilə taksi və yük maşını sürücüləri bu dəyişiklikdən təsirlənə bilər.
8. İstehsalat və anbar işçiləri
Robot texnologiyaları və avtomatlaşdırma sistemləri artıq bir çox sənaye müəssisəsində tətbiq olunur. Məhsulların yığılması, qablaşdırılması və daşınması kimi işlər avtomatlaşdırılmış qurğularla daha səmərəli həyata keçirilə bilir.
Mənbə: Memurlar.net
Tərcümə etdi: Sona Osmanova
