ABŞ-nin müdafiə sənayesi sahəsində fəaliyyət göstərən "Mach Industries" startapı, 21 yaşlı Ethan Thornton tərəfindən təsis edilib və ABŞ Ordusu ilə rəsmi müqavilə bağlayıb. Şirkət ilk silah fabrikini Kaliforniyada inşa etməyi planlaşdırır.
"TechCrunch"ın məlumatına görə, "Sequoia" investisiya şirkəti tərəfindən dəstəklənən "Mach Industries", ABŞ Ordusu ilə bağladığı müqavilə çərçivəsində Huntington Beach, Kaliforniyada 115 min kvadrat fut sahəyə malik müdafiə texnologiyaları fabriki quracaq. Şirkətin baş ofisi də həmin ərazidə yerləşir.
"Mach Industries" şirkətinin baş direktoru Ethan Thornton, Cənubi Kaliforniyanın, xüsusilə "SpaceX"in təsiri ilə müdafiə texnologiyaları sahəsində inkişaf edən bir mərkəzə çevrildiyini vurğulayıb.
Bundan əlavə, şirkət ABŞ Ordusunun Tətbiqi Laboratoriyası tərəfindən yeni nəsil raket sisteminin inkişafı üçün seçilib. Müqaviləyə əsasən, "Strategic Strike" adlandırılan dik qalxışlı dəqiq raket sistemi hazırlanacaq. Bu layihə çərçivəsində müqavilə 2024-cü ilin üçüncü rübündə imzalanıb.
Mənbə: Techcrunch
Tərcümə etdi: Zeynəb Yunuszadə
