Adətən, insanlar heyvan tüklərinə və ya onların ifraz etdiyi maddələrə allergik reaksiya verirlər. Lakin araşdırmalar göstərir ki, heyvanlar da insanlara qarşı allergik ola bilərlər.
Mütəxəssislərin fikrincə, bu, əsasən insan dərisindən tökülən hüceyrələrə, istifadə edilən ətirlər və ya saç baxım vasitələrinə bağlı ola bilər. Bəzi hallarda heyvanlar havadakı toz, tüstü və digər allergik faktorlarla da təmasda olduqda reaksiya verə bilirlər.
Allergiyaya ən çox pişiklər və itlərdə rast gəlinir. Onlarda burun axması, dəridə qızartılar və ya tənəffüs problemləri müşahidə oluna bilər. Əgər bir heyvanın insanlarla təmasda olduqdan sonra narahat olduğu görünürsə, baytar müayinəsi vacibdir.
Mütəxəssislər heyvanların sağlamlığı üçün evin havasını təmiz saxlamağı və kimyəvi tərkibli məhsullardan az istifadə etməyi tövsiyə edirlər.
Mənbə: Today.com
Tərcümə etdi: Aysel Şıxməmmədova
