Çinin şərqindəki Zhuji şəhərindəki beynəlxalq məktəbin tələbələri Malayziya Hava Yollarının MH370 reysi ilə itkin düşən sərnişinlər üçün şam yandırıblar.
Malayziya, dünyanın ən böyük aviasiya sirrlərindən birində itdikdən 10 ildən çox keçəndən sonra, Malayziya Hava Yollarına məxsus 370 saylı reysi ilə itkin düşən təyyarənin qalıqlarının axtarışını bərpa etmək üçün prinsipial razılığa gəlib.
MH370, 227 sərnişin və 12 ekipaj üzvü olan Boeing 777, 8 mart 2014-cü ildə Kuala Lumpurdan Pekinə gedərkən yoxa çıxdı.
Nəqliyyat naziri Anthony Loke, Hind okeanının cənubunda yeni bir ərazinin axtarışı təklifinin 2018-ci ildə başa çatan təyyarə üçün son axtarışlarını aparan Ocean Infinity kəşfiyyat firmasından gəldiyini söylədi.
Loke mətbuat konfransında bildirib ki, qalıqlar aşkar edilərsə, şirkət 70 milyon dollar alacaq
Malayziyalı müstəntiqlər əvvəlcə təyyarənin qəsdən kursdan çıxarılması ehtimalını istisna etməyiblər.
Bəzilərinin təyyarədən olduğu təsdiqlənən, bəzilərinin isə təyyarəyə aid olduğu güman edilən dağıntılar Afrika sahillərində və Hind okeanındakı adalarda yuyulub.
Uçuşda 150-dən çox çinli sərnişin olub, qohumları Malaysia Airlines, Boeing, təyyarə mühərriki istehsalçısı Rolls-Royce və Allianz sığorta qrupundan kompensasiya tələb ediblər.
Malayziya 2018-ci ildə Hind okeanının cənubunda axtarış aparmaq üçün Ocean Infinity ilə əlaqə saxladı və təyyarəni tapacağı təqdirdə 70 milyon dollar ödəməyi təklif etdi, lakin iki cəhddə uğursuz oldu.
Mənbə: CNN
Tərcümə etdi: Qüdrət Məmmədova
