Avqust ayında 112 yaşını qeyd edən dünyanın ən yaşlı adamı Con Tinnisvud noyabrda vəfat edib.
26 avqust 1912-ci ildə İngiltərənin Liverpul şəhərində anadan olan və Ginnes rəsmiləri ilə danışan Tinniswood "niyə bu qədər uzun yaşadığı barədə heç bir fikri olmadığını" dedi.
Tinniswood qeyd edib ki, hər kəsin ondan eşitmək istədiyi “uzun ömür sirri” yoxdur.
Həyatı boyu Liverpool futbol komandasının azarkeşi olan Con Tinnisvud Southportdakı bir qayğı evində yaşayırdı.
Aprel ayında 114 yaşlı Xuan Visente Peres Moranın ölümü ilə Con Tinnisvud dünyanın ən yaşlı adamı oldu.
Gənc ikən kifayət qədər aktiv olduğunu və "çox gəzdiyini" deyən Tinniswood digərlərindən o qədər də fərqlənmədiyini qeyd edir: "Uzun və ya qısa ömür yaşaya bilərsiniz, bununla bağlı görüləsi çox şey yoxdur".
Titanik batdığı il doğulan Tinnisvud 112 yaşında çox da düşünmədiyini söylədi: “Niyə bu qədər uzun müddət yaşadığım barədə heç bir fikrim yoxdur. Heç bir xüsusi sirr bilmirəm. Fərqli insan olduğumu düşünmürəm".
Tinniswood sevimli komandası olan "Liverpul"un yaradılmasından 20 il sonra dünyaya gəlib. Klubun bu günə qədər qazandığı 66 kubokdan ikisi istisna olmaqla, hamısını görüb. O, yalnız 1901 və 1906-cı illərdə liqa titullarını görə bilməyib.
Birinci Dünya Müharibəsi başlayanda iki yaşında olan Tinniswood, İkinci Dünya Müharibəsi başlayanda 27 yaşını təzəcə qeyd etmişdi.
Müharibə əsnasında ordunun maliyyə işlərini idarə edən bölmənin üzvü kimi xətlərin arxasında rol oynayan Tinniswood keçmiş İkinci Dünya Müharibəsi əsgərləri arasında ən yaşlısı olma ünvanına da sahibdir.
Tinniswood və həyat yoldaşı Blodven 1942-ci ildə evləniblər və onların qızları Syuzan 1943-cü ildə anadan olub. 1986-cı ildə həyat yoldaşı vəfat edənə qədər onlar 44 il evli qalıblar.
Müharibədən sonra Con Tinnisvud Shell və BP şirkətlərində mühasib işləyib, 1972-ci ildə təqaüdə çıxıb.
2012-ci ildə 100 yaşı tamam olandan bəri Kraliçadan xüsusi ad günü kartı alan Con, bu kartı Kraliça II Elizabetin 2022-ci ildə ölümünə görə Kral III Çarlzdan alırdı.
Ən uzun ömürlü insan 2013-cü ildə 116 yaşında vəfat edən yaponiyalı Jiroemon Kimura olub.
Dünyanın ən yaşlı qadını və hələ də sağ olan ən yaşlı insan titulu Yaponiyadan olan 116 yaşlı Tomiko İtukaya məxsusdur.
Mənbə: BBC
Tərcümə etdi: İbrahim Çobanlı
