Gündə nə qədər su içmək lazımdır?
Sağlam bir insan elmi təşkilatların ümumi təlimatlarına uyğun olaraq hər gün bədən çəkisinin hər kiloqramı üçün təxminən 35 ml su içməlidir. Ümumi qayda: Bir insan nə qədər ağırdırsa, bir o qədər çox suya ehtiyacı var. Məsələn, çəkisi 50 kiloqram olan şəxs 1,7 litr, 60 kiloqram çəkisi olan şəxs 2,1 litr, 70 kiloqram ağırlığında olan şəxs 2,4 litr, 80 kiloqram ağırlığında olan şəxs isə 2,8 litr içməlidir.
Çox su içmək kifayət qədər içməmək qədər pisdir. Tövsiyə olunan gündəlik miqdar insanın böyrəklərinin və ürəyinin idarə edə biləcəyi miqdarı əks etdirir.
Gündə nə qədər su içmək insanın yaşından, pəhrizindən, fəaliyyət səviyyəsindən və iqlimindən asılıdır. Bütün günortadan sonra dayanmadan tullanan uşaq yataqda başını öz sehrli dünyasına gömərək vaxt keçirən kitab qurdundan daha çox su içməlidir. Buna görə də, sağlam uşaq üçün tövsiyələr, nə qədər susadığından asılı olmayaraq, gündə təxminən 1,1 litrdir.
Yaşlı insanların susuzluq hissi daha az olur və ümumiyyətlə daha az içirlər. Nəticələr ürək-damar problemlərindən immunitet sisteminin zəifləməsinə qədər dəyişə bilər. İdeal olaraq, həyati təhlükəsi olan susuz qalmağın qarşısını almaq üçün gündə 1,5 litr su içməlidirlər.
Mənbə: Brita.com
Tərcümə etdi: Zahid Yaqublu
