Yaşıl çayın sevimli ləzzəti və sağlamlığa təsir edici faydaları var, lakin yatmazdan əvvəl, bu ən yaxşısı olmaya bilər.
Qədim dövrlərdən bəri yaşıl çay sağlam və cavanlaşdırıcı içki kimi tanınır. Yaşıl çay Çində yaranıb və onun tarixi eramızdan əvvəl 2737-ci ilə qədər uzanır. Çin imperatoru səhvən içində qaynadılmış ölü çay yarpağı ilə suyu içdikdə, onu olduqca təravətləndirici hesab edib.
Yaşıl çayın inanılmaz dərəcədə populyar olduğu, antioksidanlarla zəngin olduğu və bir sıra sağlamlıq faydaları təklif etdiyi hamıya məlumdur. Bu sevimli içkinin bütün müsbət cəhətlərinə baxmayaraq, bir çox insan hələ də yaşıl çayın tərkibində kofein olub-olmaması ilə maraqlanır.
Yaşıl çayda kofein varmı?
Bir sözlə, bəli. Yaşıl çayda kofein var. Bununla belə, bütün yaşıl çaylar eyni dərəcədə yaradılıb rəflərə gətirilmir və etiraf etməyə dəyər kiçik fərqlər var. Əslində, müxtəlif növ yaşıl çaylarda kofein tərkibinə təsir edə biləcək spesifik amillər var.
Məsələn, çay yarpaqlarının yığım mövsümü kofeinin tərkibinə təsir edə bilər. Eyni bitkinin erkən yığılması potensial olaraq daha yüksək kofein ehtiva edə bilər. Çünki, çay yarpaqları nə qədər uzun müddət oksidləşsə, tərkibindəki kofein bir o qədər az olar. Məhsullar arasında keçən müddətdə çayın tərkibindəki polifenollar daha çox istehsal olunur. Bu polifenollar kofeinə bağlana və nəticədə çay içdiyimiz zaman onu udmağımız üçün daha az əlçatan ola bilər.
Bundan əlavə, çayınızı dəmlədiyiniz suyun temperaturu, həmçinin dəmləmə üsulunuz kofein səviyyələrinə təsir edə bilər. Soyuq dəmlənən çay, isti dəmləmə ilə müqayisədə daha az kofein çıxarır. Dəmləmə vaxtı da rol oynaya bilər. Yaşıl çayınızı qaynadılmış suda 15 dəqiqəyə qarşı 5 dəqiqə dəmləsəniz, kofeinin səviyyəsi aşağı düşəcək və çayın dadı daha yumşaq olacaq.
Mənbə: eatingwell.com
Tərcümə etdi: Ləman Xəqani
