Omarlar niyə diri-diri bişirilir?
Omarlar və digər xərçəngkimilər təbii olaraq meydana gələn zərərli bakteriyaları ehtiva edir. Omarlar öləndə bu bakteriya sürətlə çoxalır və bişirməklə məhv edilə bilməyən toksinlər buraxır.
Buna görə də xərçəng və omarları canlı bişirməklə qida zəhərlənməsi şansı azaldılır.
Omarlar ağrı hiss edir?
Deyilənə görə, omarların əsl beyni yoxdur və ağrı hiss edə bilmirlər. Ancaq toxumaların zədələnməsinə fiziki və hormonal reaksiya verirlər. Beləliklə, onlar müəyyən dərəcədə ağrı hiss edə bilərlər.
Əslində qanda ifraz olunan kortizol hormonu insanda ağrı hiss etdirən eyni hormondur. Ancaq narahatlığın ən görünən əlaməti qaçış refleksi kimi inkişaf edən quyruq titrəməsidir. Maine Universitetinin tədqiqatçıları müəyyən ediblər ki, omarlar qaynar suya atılmadan əvvəl buz üzərində 15 dəqiqə qalıb qısa müddət ərzində (20 saniyə) quyruqlarını titrədirlər.
Lakin məşhur şəhər əfsanəsinin əksinə olaraq omarların soyuq və sonra qaynar suya qoyulması heyvanda anestezik təsir yaratmır və yalnız onun iztirabını uzadır.
Mənbə: Ensonhaber
Tərcümə etdi: Aminə Paşazadə
