Fəlsəfi etika bu gün insan davranışını, doğru və yanlışı, yaxşı və şəri anlamaq üçün ən çox istifadə edilən sahələrdən biridir. Bəs, fəlsəfi etika nədir və o, hansı suallara cavab axtarır?
Mütəxəssislərin fikrincə, fəlsəfi etika fərdlərə və cəmiyyətlərə dəyərlər, fəzilətlər və məsuliyyətlər üzərində düşünməyə imkan verən fundamental bir intizamdır. Bu sahə “Yaxşı həyat nədir?”, “Hansı meyarlar düzgün hərəkəti müəyyənləşdirir?”, “Ümumbəşəri əxlaq varmı?” kimi suallara cavab axtarır.
Əxlaq fəlsəfəsi üç əsas qola bölünür:
• Normativ etika necə davranmalı olduğumuzu müzakirə edir.
• Metaetika əxlaqi anlayışların mənşəyini və mənasını araşdırır.
• Tətbiqi etika tibb, ətraf mühit və siyasət kimi gündəlik həyatın konkret sahələrində rast gəlinən etik problemlərin həlli yollarını axtarır.
Filosoflar vurğulayırlar ki, əxlaq təkcə fərdi aspekt deyil, həm də ictimai quruluşun təməl daşıdır. Xüsusilə müasir dünyada süni intellekt, ekoloji böhran, qlobal bərabərsizliklər kimi yeni problemlər fəlsəfi etikanın əhəmiyyətini getdikcə artırır.
Mütəxəssislərin çağırışı aydındır: bəşəriyyət əxlaqı təkcə fərdi vicdana deyil, həm də ümumi şüur və məsuliyyət sahəsinə yüksəltməlidir.
Mənbə : Evrim ağaci
Tərcümə etdi : Dilbər Paşazadə
