Baş nazir bildirib ki, o, son günlər İsrail ordusuna “daha çox xarici jurnalist gətirmək” göstərişi verib. İsrailin baş naziri Benyamin Netanyahu deyib ki, İsrailin “HƏMAS-ın məğlubiyyətini başa çatdırmaqdan başqa çarəsi yoxdur".
Bazar günü Yerusəlimdə xarici mediaya danışan Netanyahu planlaşdırılan hərbi hücumu müdafiə edib. O, iddia edir ki, “məqsədimiz Qəzzanı işğal etmək deyil, bizim məqsədimiz Qəzzanı azad etməkdir”.
Netanyahu bildirib ki, Qəzzada növbəti addımlar üçün “kifayət qədər qısa bir cədvəl” var. Onun sözlərinə görə, oradakı məqsədlər arasında Qəzzanı silahsızlaşdırmaq, orada “təhlükəsizliyə nəzarəti üstün tutan” İsrail ordusu və məsul İsrail olmayan mülki administrasiya daxildir.
Mənbə: Euronews
Tərcümə etdi: Ayşən Səlimova
