ABŞ Prezidenti Donald Tramp bildirib ki, ABŞ Yaponiyayla “böyük” bir ticarət razılaşmasına nail olub. Yaponiya ABŞ-nin ən iri ticarət tərəfdaşlarından biridir.
Tramp sosial şəbəkədə yazıb ki, plana əsasən Yaponiya ABŞ-yə 550 milyard dollar (407 milyard funt sterlinq) sərmayə qoyacaq və 15%-lik qarşılıqlı tarif ödəyəcək.
O əlavə edib ki, Yaponiya ABŞ mallarına - avtomobil, yük maşını, düyü və müəyyən kənd təsərrüfatı məhsullarına - iqtisadiyyatını açacaq.
Yaponiyanın baş ticarət danışıqları üzrə nümayəndəsi Ryosei Akazawa isə Facebook paylaşımında Ağ Evə səfər etdiyini qeyd edib və #MissionAccomplished (Missiya başa çatdı) heşteqindən istifadə edib.
Razılaşmanın detalları ilə bağlı Vaşinqtondakı Yaponiya səfirliyi ilə əlaqə saxlanılıb.
Mənbə: BBC News
Tərcümə etdi: Ayxan Cəfərov
