Alimlər başqa bir ulduzun ətrafında fırlanan uzaq planetdə həyatın mövcud ola biləcəyinə dair yeni, lakin ilkin sübutlar tapıblar. Kembric qrupu K2-18b adlı planetin atmosferini tədqiq edərək, Yerdə yalnız sadə orqanizmlər tərəfindən istehsal olunan molekulların izlərini aşkar edib. Bu, NASA-nın James Webb Kosmik Teleskopu (JWST) tərəfindən planetin atmosferində həyatla əlaqəli kimyəvi maddələr aşkar etdiyi ikinci və daha perspektivli vaxtdır. Lakin komanda və müstəqil astronomlar vurğulayırlar ki, bu nəticələri təsdiqləmək üçün daha çox məlumat lazımdır. Tədqiqatın rəhbəri, professor Nikku Madhusudhan, Kembric Universitetinin Astronomiya İnstitutundakı laboratoriyasında tezliklə qəti sübuta sahib olacağına ümid etdiyini söyləyib.
"Bu, hələ də orada həyatın ola biləcəyinə dair ən güclü sübutdur. Mən real olaraq deyərdim ki, biz bu siqnalı bir-iki il ərzində təsdiqləyə bilərik".
Mənbə: BBC News
Tərcümə etdi: Asiman Vəliyeva
