Google qısa video asılılığı ilə mübarizəni ciddi şəkildə aparır. YouTube tətbiqinin beta versiyasında yeni funksiyanın - Shorts formatında qısa videoların baxılmasını məhdudlaşdıran gündəlik taymerin inkişafını göstərən kod tapılıb.
20.15.32 versiyası üçün APK faylının təhlili göstərdiyi kimi, tətbiq kodunda "Sonra sürüşməyi dayandır" başlığı olan bir sətir və işin mexanikasını izah edən təsvir göründü: müəyyən edilmiş həddə çatdıqda - dəqiqələr və ya saatlarla - sonsuz Shorts lenti dayandırılacaq. Bununla belə, qısa videoları tamamilə söndürmək mümkün deyil: məsələn, ev lentində və ya axtarış nəticələrinə daxil edilmiş fərdi videolar hələ də mövcud qalacaq.
Yenilik istifadəçiyə YouTube-da hər hansı videoya baxdıqdan bir müddət sonra istirahət etməyi xatırladan daha əvvəl təqdim edilmiş funksiya ilə bağlı olmayacaq. Shorts taymeri xüsusi olaraq Google-a görə hər gün 70 milyarddan çox baxış alan şaquli videoların fasiləsiz baxılmasını məhdudlaşdırmağa yönəlib.
“Shortsların” artması qısa videoların həddindən artıq istehlakını konsentrasiyanın zəifləməsi, öyrənmə qabiliyyətinin azalması və vaxtın idarə edilməsi problemləri ilə əlaqələndirən artan sayda həyəcanverici tədqiqatlarla üst-üstə düşdü. Görünür, Google bu formatın mənfi tərəflərini dərk etməyə başlayır.
Yeni funksiyanın daha geniş auditoriyaya nə vaxt təqdim ediləcəyi hələlik məlum deyil. Bununla belə, onun beta-da görünüşü aktiv testdən xəbər verir.
Mənbə: lifehacker
Tərcümə etdi: Fatimə Umarbəy
