World - 24media.az https://24media.az/ World - 24media.az true https://24media.az/22078-iran-yeniden-hormuz-bogazini-baglayib.html Banuçiçək Qurbanova World Sat, 18 Apr 2026 23:29:40 +0400

İran yenidən Hörmüz boğazını bağlayıb

İran İslam İnqilabı Keşikçiləri Korpusu ABŞ-nin öhdəliklərini pozması səbəbi ilə Hörmüz boğazı üzərində tam nəzarətin yenidən bərpa edildiyini açıqlayıb. Bu qərarla boğaz cəmi 19 saat açıq qalmış olub.

"24media.az" "Haberler.com"a istinadən bildirir ki, İranın xarici işlər naziri Abbas Əraqçi dünən verdiyi açıqlamada bildirib ki, Livandakı atəşkəsə uyğun olaraq, atəşkəs müddəti bitənədək Hörmüz boğazı bütün ticarət gəmilərinin keçidi üçün açıq olacaq. Bu qərardan sonra ABŞ prezidenti Donald Tramp əvvəlcə İrana təşəkkür edib, daha sonra isə İranla razılıq əldə olunana qədər Hörmüzdə blokadaya davam ediləcəyini deyib. Trampın bu mövqeyi İranın qərarını dəyişməsinə səbəb olub və İnqilab Keşikçiləri Korpusu boğazın yenidən tam nəzarət altına alındığını açıqlayıb.

İran Silahlı Qüvvələrinin əməliyyatları idarə edən bölməsi — Xatəmül-Ənbiya Mərkəzi Qərargahı Hörmüz boğazı ilə bağlı bəyanat yayıb. Bəyanatda qeyd olunub ki, İran danışıqlarda əldə edilən razılaşmaya uyğun olaraq yaxşı niyyət göstəricisi kimi məhdud sayda mülki gəminin nəzarətli keçidinə icazə verib. Lakin ABŞ əvvəlki dövrlərdə olduğu kimi öhdəliklərinə əməl etməyərək dəniz blokadasını davam etdirib. Bu səbəbdən Hörmüz boğazının yenidən bağlandığı və İran Silahlı Qüvvələri tərəfindən ciddi nəzarətdə saxlanılacağı bildirilib. Həmçinin vurğulanıb ki, ABŞ İran istiqamətində hərəkət edən gəmilərin sərbəst hərəkətinə icazə verənədək bu sərt nəzarət davam edəcək.

Hörmüzdəki blokada böhranından qısa müddət əvvəl ABŞ və İran arasında yeni danışıqların tarixi də açıqlanıb. İran və ABŞ nümayəndə heyətləri arasında növbəti görüş 20 aprel, bazar ertəsi günü İslamabad şəhərində keçiriləcək. Digər tərəfdən, Tramp əvvəlki açıqlamasında “İran boğazın tam açıq olduğunu və keçidlərə hazır olduğunu elan edib, təşəkkür edirəm” deyib. Daha sonra isə əlavə edib ki, Hörmüz boğazı açıqdır, lakin İranla aparılan proses 100% tamamlanana qədər İrana qarşı dəniz bolkadası davam edəcək.

Tramp həmçinin bildirib ki, İran boğazdakı minaları ya artıq ABŞ-nin köməyi ilə təmizləyib, ya da hazırda təmizləyir. O qeyd edib ki, Hörmüz boğazı məsələsi İsrail–Livan razılaşması ilə bağlı deyil və Livan prosesi ayrıca davam edir. 8 aprel tarixində İran ilə ABŞ arasında əldə olunan atəşkəs razılaşmasının vasitəçisi, Pakistanın baş naziri Şahbaz Şərifatəşkəsin Livanı da əhatə etdiyini bildirib. Lakin sonradan ABŞ administrasiyası İsrailin Livana hücumlarının İranla əldə edilən müvəqqəti atəşkəsin bir hissəsi olmadığını iddia edib.

İran rəsmiləri isə atəşkəsin Livan da daxil olmaqla bölgədəki bütün münaqişələrin dayandırılmasını nəzərdə tutduğunu və ABŞ ilə danışıqların Livanda atəşkəs elan olunmasından asılı olduğunu bildiriblər. ABŞ prezidenti Donald Tramp dün tərəflərin 10 günlük atəşkəs barədə razılığa gəldiyini açıqlayıb. İsrailin baş naziri Netanyahu isə bu atəşkəsi qəbul etdiklərini, lakin Livanın cənubunda işğal etdikləri ərazilərdə qalmağa davam edəcəklərini bildirib.

Banuçiçək Qurbanova

]]> true https://24media.az/22090-fransiz-sulhmeramlisi-cenubi-livanda-oldurulub.html Nərmin Nəcəfova World Sat, 18 Apr 2026 23:28:48 +0400

Fransız sülhməramlısı Cənubi Livanda öldürülüb

Rəsmilərin qəsdən edilmiş hücum kimi təsvir etdikləri hadisə nəticəsində, BMT patrulunun Cənubi Livanda atəşə tutulması nəticəsində bir fransız sülhməramlısı öldürülüb, üç nəfər isə yaralanıb.Cənubi Livanda hücuma məruz qalan BMT sülhməramlılarının patrul maşını

24media.az “BBC News” saytına istinadən xəbər verib ki,hərbiçi Birləşmiş Millətlər Təşkilatının Livandakı Müvəqqəti Qüvvələrində xidmət edib.

Fransa prezidenti Emmanuel Makron hücumda Hizbullahı günahlandırıb. İranın dəstəklədiyi silahlı qruplaşma hadisə ilə "heç bir əlaqəsinin olmadığını" bildirərək bunu rədd edib.

Hücum İsrail və Hizbullah arasında 2 martda yenidən alovlanan toqquşmaların davam etdiyi və 16 apreldə elan olunan 10 günlük atəşkəs rejiminin qüvvədə olduğu gərgin dövrdə baş verib.


Nərmin Nəcəfova

]]> true https://24media.az/22082-iran-hurmuz-bogazini-yeniden-baglayib.html Fidan Mənsimova World Sat, 18 Apr 2026 23:28:25 +0400

İran Hürmüz boğazını yenidən bağlayıb

İran Hürmüz boğazı ilə bağlı yeni qərar qəbul edib. Bu qərar bölgədəki gərginliyin artması fonunda verilib. Rəsmi açıqlama İran Silahlı Qüvvələrinin Hatemül Ənbiya Mərkəzi Qərargahı tərəfindən yayılıb.

Bildirilib ki, İran əvvəlki razılaşmaya əsasən bəzi mülki gəmilərin məhdud keçidinə icazə vermişdi. Lakin ABŞ-ın öhdəliklərinə əməl etmədiyi və dəniz ablukasını davam etdirdiyi qeyd olunub. Buna görə də Hürmüz boğazının yenidən bağlandığı və ciddi nəzarət altına alındığı vurğulanıb. İran tərəfi bildirib ki, vəziyyət dəyişməyənə qədər bu nəzarət davam edəcək. ABŞ-ın sərbəst gəmiçilik qaydalarına əməl etməsi tələb olunur. Əks halda bölgədə gərginliyin daha da artacağı istisna edilmir.

Mənbə: TRT Haber

Tərcümə etdi: Fidan Mənsimova

]]> true https://24media.az/22096-iran-hormuzu-yeniden-baglayib-bolgede-tehluke-artir.html Emiliya Vəlicanova World / Siyasi Sat, 18 Apr 2026 23:27:47 +0400

İran Hörmüzü yenidən bağlayıb, bölgədə təhlükə artır

İran ordusu davam edən blokada fonunda Hörmüz Boğazının yenidən kommersiya gəmiləri üçün bağlandığını açıqlayıb. Bu qərar bölgədə onsuz da gərgin olan təhlükəsizlik vəziyyətini daha da kəskinləşdirib.

Malta bayraqlı Agios Fanourios I tankeri 17 aprel 2026-da Hörmüz Boğazını keçərək Bəsrə sahillərinə çatıb.

İranın yeni dini lideri Müctəba Xamenei 18 aprel tarixli yazılı bəyanatında ölkənin hərbi dəniz qüvvələrinin mümkün qarşıdurmaya hazır olduğunu bildirib və düşmən qüvvələrə qarşı sərt mövqe nümayiş etdiriləcəyini vurğulayıb.

ABŞ prezidenti Donald Tramp isə Ağ Evdə verdiyi qısa açıqlamada Vaşinqtonun təzyiq və şantajı qəbul etməyəcəyini bəyan edib.

Röyters agentliyinin məlumatına görə, bəzi ticarət gəmiləri boğazın yenidən bağlanması ilə bağlı radio siqnalları alıb. Eyni zamanda, Böyük Britaniya Dəniz Ticarəti Təşkilatı (UKMTO) Oman sahilləri yaxınlığında bir neft tankerinin silahlı qayıqlar tərəfindən hədəfə alındığını açıqlayıb. Sonrakı məlumatda isə bir konteyner gəmisinin naməlum obyektlə vurulduğu bildirilib.

Xatırladaq ki, Tehran rəhbərliyi 17 aprel tarixində Livandakı atəşkəsə istinad edərək boğazı qısa müddətlik gəmilərin istifadəsinə açmışdı. Bu addımdan sonra Donald Tramp İrana təşəkkür etsə də, ABŞ-ın İran limanlarına tətbiq etdiyi blokadanın qüvvədə qalacağını qeyd etmişdi.

İran parlamentinin sədri Məhəmməd Qalibaf isə sosial şəbəkədə paylaşım edərək ABŞ blokadasının davam edəcəyi təqdirdə boğazın açıq qalmayacağını bildirib. Ardınca İnqilab Keşikçiləri adından yayılan açıqlamada vəziyyətin yenidən əvvəlki rejimə qaytarıldığı və ABŞ-ın addımlarının “dəniz quldurluğu” kimi qiymətləndirildiyi vurğulanıb.

Bununla belə, dəniz nəqliyyatını izləyən sistemlərin məlumatları 18 aprel tarixində bəzi gəmilərin Hörmüz Boğazından keçid etdiyini göstərir.

Gərginliyin səbəbləri

Mövcud böhran fevral ayının sonunda ABŞ və İsrailin İrana qarşı həyata keçirdiyi hücumlardan sonra başlayıb. Tehran 3 mart tarixində cavab addımı kimi boğazı bağlamışdı.

Qeyd edək ki, dünya üzrə xam neftin təxminən beşdə biri, ən dar nöqtəsi cəmi 40 kilometr olan bu strateji su yolu vasitəsilə daşınır.

Vaşinqton və Tehran arasında Pakistanda keçirilən danışıqlardan nəticə əldə olunmaması fonunda ABŞ tərəfi boğazın blokada altına alındığını elan etmişdi. Bununla yanaşı, ABŞ administrasiyasından İranla mümkün razılaşma ilə bağlı ziddiyyətli açıqlamalar verilməkdə davam edir.

Donald Tramp son bəyanatında qeyd edib ki, yaxın günlərdə razılıq əldə olunmazsa, İranla mövcud müvəqqəti atəşkəs uzadılmaya bilər. İki ölkə arasında qüvvədə olan iki həftəlik atəşkəsin 22 apreldə başa çatacağı gözlənilir.

Emiliya Vəlicanova

]]> true https://24media.az/22094-meloniye-qarshi-yeni-reqib-yukselir.html Fərid Tapdıqov World / Siyasi Sat, 18 Apr 2026 20:54:57 +0400

Meloniyə qarşı yeni rəqib yüksəlir

İtaliyada Giorgia Meloninin mövqeyi zəiflədikcə, Genuya meri Silvia Salis ölkə siyasətində yeni və birləşdirici fiqur kimi diqqət çəkir.

İtaliya siyasətində son ay olduqca gərgin keçib. Məhkəmə islahatına dair referendumun uğursuzluqla nəticələnməsi baş nazir Giorgia Meloninin “məğlubedilməzlik” imicini sarsıdıb, bu isə hökumətdə istefalarla nəticələnib və onun etibarlılığını bərpa etmək səylərini çətinləşdirib.

Bununla yanaşı, Meloninin əvvəllər xüsusi yaxınlıq nümayiş etdirdiyi ABŞ prezidenti Donald Trampla münasibətləri də soyuyub. Tramp bu həftə açıq şəkildə onu tənqid edib, Meloninin Papa Leoya qarşı sərt çıxışları qınamasını və ABŞ-İsrailin İrana qarşı müharibəsinə dəstək verməməsini irad tutub.

Romada bu hadisələr baş verdiyi vaxtda, ölkənin şimalındakı Genuya şəhərində fərqli bir mənzərə formalaşıb. Ötən həftəsonu mərkəzi Piazza Matteotti meydanına 20 mindən çox insan toplaşıb, mükafatlı belçikalı texno DJ Şarlot de Vitte burada pulsuz çıxış edib.

Lakin bu, sadəcə əyləncə tədbiri olmayıb. Genuya meri Silvia Salisin DJ ilə birlikdə səhnədə rəqs etməsi anları sürətlə sosial şəbəkələrdə yayılıb və onun ictimai nüfuzunu daha da artırıb.

40 yaşlı Salis bir ildən az müddət əvvəl Genuya meri seçilərək səkkiz il sağçıların idarəsində olmuş bu böyük liman şəhərində müxalifət üçün mühüm qələbə qazandırıb. O, heç bir siyasi partiyaya üzv olmayan yenilikçi fiqur kimi tanınır, bundan əvvəl İtaliya Olimpiya Komitəsində yüksək vəzifə tutub.

Onun namizədliyi sol və mərkəzçi qüvvələrin ittifaqı tərəfindən irəli sürülüb və seçkidə qazandığı uğur onu milli səviyyədə potensial birləşdirici lider kimi ön plana çıxarıb.

Genuyalı biznes məsləhətçisi Culiya Byanki bildirib ki, Salis “təmiz hava nəfəsi kimidir”, o, xüsusilə demoqrafik baxımdan yaşlı və passiv şəhərə yeni enerji qatdığı üçün geniş rəğbət qazanıb.

Mənbə: The Guardian

Tərcümə etdi: Fərid Tapdıqov

]]> true https://24media.az/22095-alyaskada-ayi-iki-herbciye-hucum-edib.html Şehrin Musayeva World / Gündəm Sat, 18 Apr 2026 20:54:02 +0400

Alyaskada ayı iki hərbçiyə hücum edib

ABŞ-nin Alyaska ştatının Ankoric şəhərində yerləşən “Elmendorf-Richardson”hərbi bazası ərazisində iki hərbçi təlim zamanı qonur ayının hücumuna məruz qalaraq yaralanıb.

24media.az Associated Press agentliyinə istinadən xəbər verir ki, hadisə aprelin 16-da bazaya məxsus Arktik-Velli ərazisində səmtləşmə təlimləri keçirilərkən baş verib. Məlumata görə, hərbi qulluqçular təlim zamanı qəfil vəhşi heyvanla qarşılaşıb və ayı onlara hücum edib.


Hərbçilər hücumdan qorunmaq və özlərini müdafiə etmək üçün bibər qazından istifadə ediblər. İlkin məlumata əsasən, bu müdaxilə daha ağır nəticələrin qarşısını almağa kömək edib.

Yaralanan hərbçilər dərhal tibbi yardım üçün hərbi tibb məntəqəsinə çatdırılıb. Onların səhhəti ilə bağlı hələlik rəsmi açıqlama verilməyib.

Qeyd edək ki, Alyaska kimi vəhşi təbiətin geniş yayıldığı ərazilərdə bu cür hadisələr zaman-zaman baş verir və bu səbəbdən açıq hava təlimləri zamanı təhlükəsizlik tədbirlərinə xüsusi diqqət yetirilir.

Şehrin Musayeva

]]> true https://24media.az/22093-turkiyenin-ordu-generali-liviyada-herbi-telime-qatilib.html Səidə Abasova World / Manşet Sat, 18 Apr 2026 20:25:35 +0400

Türkiyənin ordu generalı Liviyada hərbi təlimə qatılıb

Türkiyə Silahlı Qüvvələrinin Baş Qərargahının 2-ci rəisi ordu generalı Levent Ergün Liviyada davam edən "Flintlock-2026" çoxmillətli xüsusi təyinatlı qüvvələr təliminin açılış mərasimində iştirak edib.

24media.az "Report"-a istinadən xəbər verir ki, bu barədə Türkiyə Milli Müdafiə Nazirliyinin "X" sosial şəbəkə hesabında məlumat yayılıb.

Türkiyə Silahlı Qüvvələrinin Baş Qərargahının 2-ci rəisi Liviya Milli Birlik Hökumətinin müdafiə naziri general-mayor Əbdüssəlam Zubi, Liviya Milli Ordusunun baş komandan müavini, ordu generalı Səddam Haftar və ABŞ Afrika Komandanlığının müavini general-leytenant Con Brennan ilə görüşlər də keçirib.

]]> true https://24media.az/22063-iran-muharibesinin-qlobal-iqtisadi-tesirleri-qiymetlendirilib.html Zəhra Əliyeva World / Manşet Sat, 18 Apr 2026 19:28:22 +0400

İran müharibəsinin qlobal iqtisadi təsirləri qiymətləndirilib

Vaşinqtonda təşkil olunan Beynəlxalq Valyuta Fondu (İMF) və Dünya Bankı bahar görüşlərində İranla bağlı müharibənin dünya iqtisadiyyatına təsiri əsas mövzulardan biri olub. G7 ölkələrinin maliyyə nazirləri və mərkəzi bank rəhbərləri vəziyyətin qlobal iqtisadiyyata risk yaratdığını bildiriblər.

ABŞ Xəzinədarlıq katibi Skot Bessent

24media.az "BBC"yə istinadən xəbər verir ki, əsas narahatlıq enerji təhlükəsizliyi ilə bağlıdır. Hörmüz boğazındakı nəqliyyatın dayanması neft və qaz tədarükündə ciddi çətinliklər yaradıb. Asiya ölkələri enerji çatışmazlığı riski ilə üzləşib, bəzi aşağı gəlirli dövlətlərdə isə qida və yanacaq qiymətlərinin sürətlə artacağı gözlənilir.


İMF rəhbərliyi mövcud vəziyyəti “yavaş inkişaf edən böhran” kimi xarakterizə edərək yaxın aylarda daha ağır nəticələrin ortaya çıxa biləcəyini bəyan edib. Dünya Bankından qiymət artımından zərər görən ölkələr üçün 100 milyard dollara qədər dəstək fondu hazırlandığı açıqlanıb. Ekspertlər ən böyük riskin yay aylarında ərzaq çatışmazlığı olacağını vurğulayıblar.


ABŞ rəsmiləri isə müharibənin uzunmüddətli təhlükəsizlik üçün vacib olduğunu, qısamüddətli iqtisadi itkilərin isə qəbul edilə bilən olduğunu bildiriblər. Lakin digər ölkələrin nümayəndələri vəziyyətin gərginləşməsinin qlobal ticarət, enerji qiymətləri və inflyasiya üçün ciddi təhlükə yaratdığını qeyd ediblər.


Qyed edək ki, mütəxəssislər xəbərdarlıq edirlər ki, Hörmüz boğazındakı gərginlik davam edərsə, dünya iqtisadiyyatı yeni enerji və ərzaq böhranı ilə üz-üzə qala bilər. Bunun ən ağır təsirləri isə inkişaf etməkdə olan ölkələrdə hiss olunacaq.

Zəhra Əliyeva


]]> true https://24media.az/22088-iran-yeniden-hormuz-bogazina-kecidi-baglayib.html Aytac Musayeva World / Manşet Sat, 18 Apr 2026 19:05:35 +0400

İran yenidən Hörmüz boğazına keçidi bağlayıb

İran ordusundan davam edən blokada səbəbindən Hörmüz boğazının kommersiya gəmilərinin keçidi üçün yenidən bağlandığı açıqlaması gəlib.

"Agios Fanourios I" adlı neft tankerinin Hörmüz boğazından keçidi - 17 Aprel 2026

24media.az "BBC"yə istinadən xəbər verir ki, Böyük Britaniya Dəniz Ticarəti Təşkilatından verilən (UKMTO) məlumata əsasən, Oman sahilləri açığında bir neft tankeri İran İnqilab Keşikçiləri Korpusuna məxsus iki sürət qayığının hücumuna məruz qalıb.

UKMTO-nun ikinci açıqlamasında bildirilir ki, daha bir konteyner gəmisi də naməlum cisim tərəfindən vurulub.

İranın yeni dini lideri Müctəba Xamenei 18 aprel tarixli yazılı bəyanatında ölkə donanmasının "düşmənləri məğlub etməyə hazır olduğunu" bildirib.

Qeyd edək ki, Tehran rəhbərliyi 17 apreldə Livandakı atəşkəsə uyğun olaraq boğazı keçidlər üçün açdığını elan edib. Prezident Donald Tramp isə ABŞ-nin İran limanlarına tətbiq etdiyi blokadanın davam edəcəyini qeyd edib.

Aytac Musayeva

]]> true https://24media.az/22060-britaniyada-avropa-birliyine-qayidisha-destek-artir.html Fərid Tapdıqov World Sat, 18 Apr 2026 10:46:25 +0400

Britaniyada Avropa Birliyinə qayıdışa dəstək artır

"Brexit" referendumundan 10 il sonra Böyük Britaniyada seçicilərin yarıdan çoxu ölkənin yenidən Avropa Birliyinə qoşulmasını dəstəkləyib. Araşdırmalar ictimai rəydə mühüm dəyişimin baş verdiyini göstərib.

Avropa Birliyinin bayrağı

Mütəxəssislər bildiriblər ki, hakim Leyborist Partiyasının Avropa Birliyi ilə bağlı ehtiyatlı və qeyri-müəyyən yanaşması həm proqressiv seçicilər, həm də “qırmızı divar” kimi tanınan seçki dairələrində dəstəyin azalması riski yaradıb.


"Best for Britain" təşkilatının apardığı araşdırma göstərib ki, seçicilər arasında yalnız vahid bazara qoşulmaq deyil, birbaşa Avropa Birliyinə tam qayıdışa dəstək getdikcə artıb.


Sorğunun nəticələrinə görə, hökumətin Avropa Birliyi ilə bağlı mövcud siyasətini seçicilərin 61 faizi dəstəkləyib, lakin onların yalnız 19 faizi bu mövqeyi qəti şəkildə müdafiə etdiyini bildirib.


Böyük Britaniyanın Avropa Birliyinə tam üzvlüyünün bərpasını ümumilikdə seçicilərin 53 faizi dəstəkləyib. Bu göstərici Leyborist Partiyası seçiciləri arasında 83 faiz, Liberal Demokratlar arasında 84 faiz, Yaşıllar Partiyası tərəfdarları arasında isə 82 faiz təşkil edib.


Digər tərəfdən, Mühafizəkarlar Partiyası və "Reform UK" seçiciləri arasında bu təşəbbüsə dəstək müvafiq olaraq 39 və 18 faiz səviyyəsində qeydə alınıb.


Mütəxəssislər qeyd ediblər ki, ictimai rəydə müşahidə olunan bu dəyişikliklər ölkənin gələcəkdə Avropa ilə münasibətlərinə ciddi təsir göstərə bilər.

Mənbə: The Guardian

Tərcümə etdi: Fərid Tapdıqov

]]>