Millimizin futbolçusuna görə “Dinamo”ya qadağa qoyulub

Millimizin futbolçusuna görə “Dinamo”ya qadağa qoyulub

Azərbaycan milli komandasının futbolçusu Ramil Şeydayevin şikayəti təmin olunub.

24media.az-ın məlumatına görə, Rusiya Futbol İttifaqının mübahisələrin həlli üzrə palatası hücumçunun müraciətinə baxaraq müvafiq qərar çıxarıb.

Yığıncaq üzvləri Moskva “Dinamo”sunun sabiq futbolçusu ilə müqaviləni pozmasını əsassız sayıb. Palata klub qarşısında R.Şeydayevə kompensasiya ödəmək öhdəliyi qoyub.

“Dinamo”ya həm də yeni oyunçuların qeydiyyatına qadağa qoyulub. Klub futbolçu qarşısında öhdəlikləri yerinə yetirənədək heyətinə oyunçu qata bilməyəcək.

Qeyd edək ki, 2019-cu ilin yayında “Krılya Sovetov”dan “Dinamo”ya keçən R.Şeydayevlə müqavilə klub tərəfindən pozulub. O, bu komandada 8 çempionat matçında 1 qol ötürməsi verib.