Dövlət orqanlarında vakant vəzifələr üzrə ümumi müsahibələr davam edir

Dövlət orqanlarında vakant vəzifələr üzrə ümumi müsahibələr davam edir

On səkkiz dövlət orqanında mövcud olan 91 vakant vəzifə üzrə aprelin 11-dən başlanan ümumi müsahibələr davam edir.

Dövlət İmtahan Mərkəzindən 24Media-ya bildirilib ki, elana çıxarılan vəzifələr üzrə qeydiyyatdan keçmiş 353 namizəddən 288-nin müsahibədə iştirakına razılıq verilib. Bu gün saat 15:00-dək olan məlumata görə, 3 namizəd müsahibələrdə uğur qazanaraq dövlət orqanlarında müxtəlif vəzifələrə uyğun bilinib.

Müsahibələrin mayın 31-dək keçirilməsi planlaşdırılır.

Xatırladaq ki, ən yüksək müsabiqə müraciəti vəziyyəti Hesablama Palatası, Sosial sahələrin auditi şöbəsi, Sosial müdafiə və sosial təminat sahələrinin auditi sektoru, məsləhətçi (1 vakant yer üzrə 17 namizəd), Əmək və Əhalinin Sosial Müdafiəsi Nazirliyi, Məşğulluq siyasəti və demoqrafiq inkişaf məsələləri şöbəsi, İşçi qüvvəsinin bacarıqlarının inkişafı məsələləri sektoru, məsləhətçi (1 vakant yer üzrə 17 namizəd) üzrə yaranıb.