Beyin-kompüter interfeysləri (BCI) sahəsindəki son irəliləyişlər insan beyni ilə rəqəmsal cihazlar arasındakı sərhədi demək olar ki, tamamilə aradan qaldırır. 
24media.az Daily Science-ə istinadən xəbər verir ki, Stenford Universiteti tərəfindən aparılan sınaqlarda, hərəkət qabiliyyətini itirmiş şəxslərin beyninə yerləşdirilən elektrod şəbəkələri neyronların elektrik siqnallarını saniyəlik sürətlə qeydə alır. Əsas yenilik ondan ibarətdir ki, sistem artıq sadəcə "sağa" və ya "sola" hərəkəti deyil, insanın beynində bir hərfi qələmlə kağıza yazdığını təsəvvür edərkən yaranan spesifik neyron dalğalarını tanıyır. Süni intellekt bu mürəkkəb siqnalları real vaxt rejimində mətni çevirir. Tədqiqatçılar bu prosesdə "recurrent neural networks" (təkrarlanan neyron şəbəkələri) adlı proqram təminatından istifadə edərək, səhv ehtimalını 1%-dən aşağı salmağa nail olublar. Bu texnologiya gələcəkdə yalnız sağlamlıq problemləri olanlar üçün deyil, həm də insanların birbaşa düşüncə vasitəsilə internetə və ya digər ağıllı cihazlara qoşulması üçün bir keçid nöqtəsi hesab olunur. Bu, insan intellektinin süni intellektlə birbaşa sintezinin ilk addımlarıdır.
Turqut Ansari
