Türkiyənin cənubunda yerləşən bir məktəbdə baş verən atışma nəticəsində ən azı səkkiz şagird və bir müəllim həlak olub, bir neçə nəfər isə yaralanıb. Bununla bağlı Daxili İşlər naziri Mustafa Çiftçi bildirib.
Məktəbin qarşısında təcili yardım və polis maşınları, eləcə də məktəbə tərəf qaçan valideynlər görülüb
"24media.az" "BBC.news"a istinadən bildirir ki, hadisə Kahramanmaraş bölgəsində yerləşən Ayşə Çalık Orta Məktəbində baş verib. Yerli qubernator Mükerrem Ünlüer bildirib ki, hücum edən şəxs də hadisə zamanı öldürülüb.
Bu hadisə, ölkənin cənubunda yerləşən başqa bir liseydə keçmiş bir şagirdin atəş açaraq 16 nəfəri yaralayıb, daha sonra isə özünü öldürməsindən bir gün sonra baş verib. Çiftçi bildirib ki, 13 nəfər yaralanıb, onlardan 6-sının vəziyyəti ağırdır. Çərşənbə günü baş verən hücumun motivi hələlik məlum deyil və araşdırma başladılıb.
Türkiyə mediasının məlumatına görə, hücum edən şəxsin yeniyetmə olduğu güman edilir. O, iki sinif otağına daxil olub, yanında 5 silah və 7 daraq olub. Ünlüer bildirib ki, bu silahlar onun keçmiş polis əməkdaşı olan atasına məxsus olub. Hücum edən şəxsin atası polis tərəfindən saxlanılıb, bununla bağlı yerli media yazır.
BBC tərəfindən təsdiqlənən videoda insanların məktəbin birinci mərtəbəsinin pəncərələrindən tullanaraq binadan qaçdığı görünür. NTV telekanalının reportyoru “atəş səsləri çox intensiv idi” deyib və əlavə edib ki, məktəbin qarşısında panika yaşanıb. Atışma xəbəri yayıldıqdan sonra ağlayan valideynlər məktəbin qarşısına toplaşıblar.
Banuçiçək Qurbanova
