UEFA Çempionlar Liqasının 1/4 final mərhələsinin cavab oyununda “Liverpul” doğma meydanda "Paris Saint-Germain" ilə üz-üzə gəlib.
Ousmane Dembélé vurduğu qollardan birini bu tərzdə qeyd edib
24media.az sporx.com-a istinadən bildirir ki, “Enfild” stadionunda keçirilən qarşılaşma gərgin mübarizə şəraitində keçib. İlk hissədə komandalar ehtiyatlı oyun nümayiş etdirib və hesab açılmayıb.
İkinci hissədə isə "Paris Saint-Germain" üstünlüyünü ortaya qoyub. 73-cü dəqiqədə və 90+1-ci dəqiqədə Ousmane Dembélé fərqlənərək komandasına qələbə qazandırıb.
Görüşün 27-ci dəqiqəsində Hugo Ekitiké zədələnib və 31-ci dəqiqədə xərəkdə meydanı tərk edib. Onun əvəzinə Mohamed Salah oyuna daxil olub.
Lakin bu dəyişiklik də “Liverpul” üçün dönüş nöqtəsi olmayıb.
İlk oyunda 2:0 hesabı ilə qalib gələn "Paris Saint-Germain" cavab görüşündə də eyni hesabla üstün olub və iki oyunun yekununda 4:0 hesablı qələbə ilə yarımfinala yüksəlib.
Luis Enriquenin komandası növbəti mərhələdə "Real Madrid CF – Bayern Munich" cütünün qalibi ilə qarşılaşacaq.
Yarımfinalın ilk oyunları 28-29 aprel, cavab qarşılaşmaları isə 5-6 may tarixlərində keçiriləcək.
Final oyunu isə mayın 30-da Puskás Aréna stadionunda baş tutacaq.
Beləliklə, “Liverpul” doğma meydanda məğlub olaraq turnirlə vidalaşıb, PSJ isə inamlı şəkildə yarımfinala yüksəlib.
Ömər Cəfərov
