Rusiyada uşaqlara yönəlmiş vətənpərvərlik təbliğatı Putinə qarşı cənab Heç kim adlı Oskar mükafatlı sənədli filmdə geniş şəkildə göstərilib. Film müəllim Pavel Talankinin çəkdiyi görüntülər əsasında hazırlanıb və məktəblərdə dövlət ideologiyasının necə aşılandığını ortaya qoyub.
Moskvalı Nina adlı ana bildirib ki, 7 yaşlı qızına “şanlı ordu” haqqında şeir öyrədilməsi onu narahat edib. Onun sözlərinə görə, məktəblərdə bayraq qaldırma mərasimləri və “vacib mövzular haqqında söhbətlər” dərsləri vasitəsilə uşaqlara hökumətin baxışı öyrədilib.
2022-ci ildə Rusiyanın Ukraynaya müdaxiləsindən sonra bu təbliğat daha da güclənib. Dərsliklər yenilənib, uşaqlara müharibənin müdafiə xarakterli olduğu izah edilib və vətənpərvərlik hökumətə sadiqlik kimi təqdim olunub.
Mütəxəssislər bildiriblər ki, uşaqlar müəllim kimi nüfuzlu şəxslərin təsirinə tez düşürlər. Amma valideynlər fərqli fikir bildirdikdə, uzun müddətdə ailənin təsiri daha güclü ola bilər, baxmayaraq ki, alternativ məlumatların az olması nəticəni qeyri-müəyyən edib.
Bəzi şagirdlər bu dərsləri maraqsız hesab edib, digərləri isə fəal iştirak edib. Ekspertlər qeyd ediblər ki, bu proqramlar həm ideoloji təsir yaratmaq, həm də dövlətin gücünü göstərmək məqsədi daşıyıb.
Mənbə: BBC
Tərcümə etdi: Zəhra Əliyeva
