Zərbələr ABŞ-nin Yaxın Şərqdəki müharibəni əsas gətirərək Rusiya və Ukrayna arasında bu həftə keçirilməsi planlaşdırılan sülh danışıqlarını təxirə salmasından bir neçə gün sonraya təsadüf edib.
"24medi.az" "NBC.news"a istinadən bildirir ki, Kiyev bölgəsinə yönələn birgə raket və dron hücumu şənbə gecəsi dörd nəfərin ölümünə, ən azı 15 nəfərin yaralanmasına səbəb olub. Bunu Ukrayna paytaxtının regional administrasiyasının rəhbəri bildirib.
Ukrayna Prezidenti Vladimir Zelenski deyib ki, gecə hücumlarının əsas hədəfi Kiyev bölgəsinin enerji infrastrukturu olub. O bildirib ki, Rusiya gecə ərzində müxtəlif tipdə təxminən 430 dron və 68 raket buraxıb. Rusiya Müdafiə Nazirliyi şənbə günü açıqlayıb ki, gecə hücumları Ukrayna silahlı qüvvələrinə xidmət edən enerji və sənaye obyektlərini, həmçinin hərbi hava limanlarını hədəf alıb.
Hücumlar ABŞ-nin bu həftə üçün planlaşdırılan Rusiya və Ukrayna arasında sülh danışıqlarını Yaxın Şərqdəki müharibəyə görə təxirə salmasından bir neçə gün sonra baş verib. ABŞ və İsrailin İran üzərinə raket və bombaları yağdırdığı bir vaxtda, Rusiya yalnız sözlə etiraz edib, lakin müttəfiqinə dəstək üçün heç bir əməli addım atmayıb.
Rusiya artıq qlobal enerji qiymətlərinin artımından qazanc əldə edir və ümid edir ki, Yaxın Şərqdəki müharibə Ukrayna məsələsindən diqqəti yayındıracaq və Qərb silah arsenalını tükədəcək. Zelenski şənbə günü Kiyevin Qərb tərəfdaşlarını hava hücumundan müdafiə raketlərinin istehsalını artırmaq üçün “yüz faiz diqqət yetirməyə” çağırıb.
“Biz təhlükənin real səviyyəsini tam dərk etməli və buna uyğun hazırlaşmalıyıq, yəni: Avropada, xüsusilə ballistik təhdidlərə qarşı mübarizə aparmaq qabiliyyətinə malik hava hücumundan müdafiə raketlərinin istehsalını inkişaf etdirməliyik, həmçinin həyatı həqiqətən qorumaq üçün lazım olan bütün digər sistemləri”,-deyə Zelenski bildirib.
Zelenski əlavə edib ki, Kiyev hələ də ABŞ-nin keçən il Ukrayna tərəfindən təklif edilən iri dron istehsalı razılaşmasına təsdiqini gözləyir, ölkələr isə İran müharibəsi ilə ortaya çıxan hava müdafiə çatışmazlıqlarını düzəltmək üçün müasir silahlar istehsalını sürətləndirməkdədir. Həmçinin, Zelenski ABŞ-nin Yaxın Şərq müharibəsi zamanı Rusiya neftinə tətbiq olunan 30 günlük güzəşti tənqid edib və bunun “doğru qərar olmadığını” və Rusiyanın Ukraynaya 4 ildən artıq davam edən işğalını dayandırmağa kömək etməyəcəyini bildirib. “Yalnız bu güzəşt ABŞ tərəfindən Rusiyaya müharibə üçün təxminən 10 milyard dollar təmin edə bilər",-deyə Zelenski bildirib.
Banuçiçək Qurbanova
